USOK NAKAKAPATAL!
Inalarma kan mga Opisyal kan State Bureau of Clean-Air-act kan Chicago na kaipuhan ng maging maikmat an mga tawo, sa pagpo-pollute kan paros arog kan daing pakundangan na pagbuga kan maiitom na aso' hale sa tambutso kan mga vehiculos asin sa darakolang mga smoke-pipes kan mga pabrika, kasabay na an paninigarilyo.
Sigon kay Dr. Harris George sarong espesyalista sa pangangataman kan atmosphere, pwedeng magresulta ini kan iba-ibang klase kan inaapod na respiratory-related diseases siring kan lung cancer, asthma, asin iba pang helang.
Minaresulta man ini sa pagkakaigwa ki acid rain na iyo an minaraot sa gabos na klase kan pananom na nagdadara kan harshness sa kulit kan tawong nauuranan o natatagdoan kaini.
Apwera pa digdi an pamosong kaso kan pagkaluho kan satuyang Ozone Layer na iyo an proteksiyon kan kinaban kontra sa sobrang kusog na ultra violet ray na hale sa aldaw.
Asin bako sana sa Physical na aspeto nag-aatake an paglakop kan maitom na aso' dahilan nakakapekto man ini sa pag-iisip kan mga masanling henerasyon.
Sigon pa kay Dr. George, an mga babaying nagbabados na expose sa mga nag iiritomang mga aso', lalo na itong mga nakaistar sa mga urban areas, na minaresulta kan slow reception sa memorya kan saindang mga aki. Nagkakaigwa man ki contaminasyon an saindang parietal lobe of the brain na nagiging dahilan kan poor retention sa memorya kan mga aki.
Dugang man ni Dra. Madonna Galvez, pag-iriba kan naenot ng Doktor" may mga parte sa parietal lobe siring kan wernickles area kun saen responsable ini sa pagpapaintindi o pagpapasabot sa mga nagdadakolang aki, nagluluya an saindang cognitive ability na iyo an rason tanganing magluya sindang mag-intindi sa mga nangyayari. Nadidipisilan na sindang magirumduman an mga nakaaging experincia sa buhay."
Pinaglalaoman na mas lalo pang magiging maluya an utak kan mga masunod na henerasyon kung padagos na babalewalaon kan mga tawo an nasabing kaso. Dahilan ta gare man sanang kagadanan an ipinamana ninda sa saindang mga aki hanggang sa saindang mga maku-apo.
Walang komento:
Mag-post ng isang Komento