Rinibong trabaho, mantinidong bakante; pag-aapply, pwede na soboot paagihon sa phone app

Rinibong trabaho, mantinidong bakante; pag-aapply, pwede na soboot paagihon sa phone app


Rinibong trabaho ang mantinidong bakante sa ebong kan dakol na Pinoy an jobless.

Sigon sa online portal na JobsDB, apwera sa online transactions, pwede ng maparikas an paghahanap kan trabaho gamit an libreng phone application.

Sa nasambit na  app, ita-type sana soboot an gustong  trabaho asin maluwas na an mga bakanteng posisyon na may kinaaraman sa saindong pinaghahanap. Siring man pareho man an  proseso sa pag-a-apply.

Sa JobsDB, 60,000 mil soboot an  trabaho na bakante. Pinaka-in demand an may pagka-aram sa sales, business process outsourcing (BPO) o kaya call centers asin sa sektor kan turismo arog kan  receptionist buda waiter.

Uni an listahan kan Department of Labor and Employment (DOLE) na mga indemand na trabaho:

1. Sales Professionals
2. Accounting Officer/Accountant
3. Mason
4. Call Center Agent
5. Quality Assurance/Control Engineer
6. Cashier
7. Civil Engineer
8. Office Staff
9. Engineer
10. Mechanical Engineer

Abiso kan JobsDB sa mga bagong graduate asin dai pang experiensa, importanteng maging presentable, relaxed asin confident sa interview.